Спортсмен- влаклан спорт оралтылам почмо
Марий Элысе спортсмен- влаклан да Российысе сборный командылан еҥыштлан тичмаш тренировкым эртараш йӧн лектын. Республикын спорт-туризм министрже Лидия Батюкова икмыняр спорт сооруженийлан пашам тӱҥалме шотышто приказым пеҥгыдемден. Тиде спорт мастарлыкым да эн кӱшыл спорт мастарлыкым шуарыме шотышто спорт ямдылалтмашым эртарыше- влак нерген ойлалтеш. Спортсмен- влак тачысе кече гыч чыла санитар-эпидемиологий йодмашым шуктен гына, тренировкым ыштен кертыт. Профессионал спортсмен- влак «Йошкар-Ола» вӱд полатыште, «Дружба» стадионышто, «Юбилейный» спорткомплексыште, «Спартак» ФОК-ышто, «Корта» базыште, Олимпий резерв училищын спорт да тренажер заллаштыже тренировкым эртен кертыт.
