Светлана Булатова: республикыште чарыме мероприятийым жапыштыже пуртымо

Оперативный штабын заседанийыштыже Роспотребнадзор виктемым вуйлатыше Светлана Булатова палемден: республикыште чарыме мероприятийым жапыштыже пуртымо. Тидыже калыкым тӱшкан черланыме деч арален коден. Тудо тыгак черланыше- влак шотышто теҥгечылан могай сӱрет лийме нерген каласкален. Черланыше- влак коклаште 10 процентше йоча- влак, пашам ыштен кертше- влак 73 процент, 65 ияш деч кугурак ийготан- влак 16 утла процент улыт. Медицина эскерымаште тӱжемат 315 еҥ шотлалатеш. Эскерымаш гыч кум тӱжемат 954 еҥым кораҥдыме. Обсерваторышто иктат уке. Эскерыме жапыште 17 тӱжемат 649 шымлымашым эртарыме. Пайрем кече- влакланат тӱҥ задаче семын самоизоляцийым чот эскерыме, маске дене коштмо, медицина пашаеҥ- влакым аралыме, карантиным шуктымо, системообразующий предприятийлаште санитар эпидемиологий йодмашым тӱрыс шуктымаш шотлалтеш. Муниципал образований вуйлатыше- влак ӧрдыж кундемла гыч толшо- влакым тергыме пашам вияҥдышаш улыт. Тазалыкаралтыш министр Марина Панькован мутшо почеш, Стационарла гыч теҥгече 28 пациентым лукмо. Тушечын 20 еҥжын черым пеҥгыдемдыме ыле. Тымарте койко фондын 51 процентшым айлыме. Чылаже инфекций стационарлаште 241 еҥ эмлалтеш.

Прошлые выпуски