Чер ваштареш республикына тӱшкан кучедалеш

Чер ваштареш республикына тӱшкан кучедалеш.
Волонтёр- влаклан полшаш республикысе амалкалче, посна пашам ыштыше, шкалан шке пашам ситарыше  еҥ- влак 9 тӱжем утла маске ден 10 тӱжем утла бахиллым колтеныт. Кызыт республикыште 270 волонтёр уло, нунылан чылаштланат аралалтме ӱзгарым ситарыме. Тидын нерген Александр Евстифеевын эртарыме оперативный штабын заседанийыштыже «Россий верч» Калык фронт» толкынын регионысо пӧлкажым вуйлатыше Надежда Ефремова ойлен. Регионысо волонтёр штабыште пурышо йодмаш- влак дене пашам ыштат. Каныш кече деч посна волонтёр- влак илалше еҥ- влалкан полшаш коштыт. Тымарте 530 йодмашым шуктымо. Федерал штаб гыч республикыш 15 тӱжем перчаткым, кум тӱжем маскым, 5 тӱжем антисептикым да молымат колтымо. КАМАЗ Йошкар-Оласе эмлыме верлан 100 аралыше костюмым пуэн, «Тележка добра» акций кышкарыште ветеран да нужнан илыше- влаклан 150 кочкыш сату наборым намен пуымо. Марий университетын студентше- влакат 16 тӱжем маскым да 400 утла костюмым эмлыме вер- влаклан  урген пуэныт.

Прошлые выпуски