Ковид да пневмоний дене черланыше- влаклан ешарен 90 койкым ойырымо

                 Республикыштына неле эпидемий сӱретлан кӧра ковид да пневмоний дене черланыше- влаклан ешарен 90 койкым ойырымо. Тидын нерген решенийым теҥгече тазалык аралтыш министерстве пеҥгыдемден. Верым Оршанке рӱдӧ эмлыме верыште ямдылыме. Тыге, 29-ше сентябрьлан республикыштына лу эмлыме верыште тӱжемат 285 вич койкым вераҥдыме. Резерыште 19 процент инфекций койко гына кодеш, молыштыжо эмлалтше- влак улыт. Кодшо шочмын кундемыштына пандемий жапыште шке шотан антирекорд лийын: ик суткаште эмлыме верыш 131 еҥым кондымо. Тазалыкаралтыш министерстве республикыште коронавирус инфекций дене ситуацийым неле семын акла. 151 пациент нелын черланышылан шотлалтеш, тушечын 50 еҥже ИВЛ дене пайдалана. Тидыжат тургыжландара: черле йоча- влак ешаралтыт. Йоча клинический эмлыме верыште 29 изи пациент эмлалтеш. Тыгай неле ситуаций годым вакцинаций кугу рольым модеш. 28-ше сентябрьлан республикыште 180 тӱжем еҥ коронавирус деч вакцинацийым ыштыктен, 175 тӱжем еҥже тичмаш курсым эртен. Республикыш теҥгече эше 13 тӱжемат 400 комплект Гам-Ковид-Вак вакциным кондымо.

Прошлые выпуски