«Орлёнокышто» тунемше- влакын «Президент таҥасымаш- влак» спорт мероприятийыштышт Пӧтъял тунемше- влак ойыртемалтыныт

                   Школышто тунемше- влакын Россий кӱкшытан «Президент таҥасымаш- влак» спорт мероприятийышт нерген. 7-ше гыч 27-ше сентябрь марте «Орлёнок» Российысе йоча рӱдерыште тыгай таҥасымаш- влак эртеныт. Марий Эл гыч тушко Волжский районысо Пӧтъял школын командыже миен. Ӱдыр-рвезе- влак ялысе 74 класс-команде кокла гыч многоборьеште икымше лийыныт. Тушко 60 да тӱжем метрыш куржмаш, турник, кийышыла нӧлталалтмаш, шинчышыла пӱгырнымаш пуреныт. Теҥгече республикысе спорт-туризм министерствын физкультура да  спорт виктемжым вуйлатыше Вера Пронина Пӧтъял школышто команде дене вашлийын. Тудо тунемше- влакым да тренерыштым чапле лектышым ончыктымо дене саламлен. Шарнымашан пӧлекым кучыктен да спорт объектлаш кошташ абонементым кучыктен.

Прошлые выпуски