Марий Эл Кугыжаныш Погыным Анатолий Смирнов вуйлата
Таче шымше созыв Марий Эл Кугыжаныш Погынын икымше сессийже пашам ыштен. Депутат- влак шымше созывышто профессионал семын пашам ыштыше депутат- влакын чотыштым пеҥгыдемдыше законым онченыт, Кугыжаныш Погын вуйлатышым, алмаштышыже- влакым сайленыт, Президиумын, куд комитетшын, ныл комиссийжын составшым пеҥгыдемдаеныт. Тиддеч посна Кугыжаныш Погыныш депутатлан сайлалтмылан кӧра, Лариса Яковлеван айдемын праваже шотышто уполномоченный полномочийжым жап шуде чарыме нерген йодышым онченыт. Сессийыште Кугыжаныш Погынын вуйлатыше составше рашемын. Кугыжаныш Погыным Республикысе клинический эмлыме верын тӱҥ врачше, Российын сулло врачше Анатолий Смирнов шукташ тӱналеш. Тудо Юрий Минаковым вашталтен. Тудлан алмаштышыже- влак полшаш тӱҥалыт. Икымше алмаштышыже Владимир Мухин, Звенигово районысо депутат- влакын погынымашыштым вуйлатыше Наталья Козлова да паша деч кӱрылтде, МарНИИЯЛИ-н директоржо Евгений Кузьмин. Икымше сессийыш погынышо- влакым республикым вуйлатыше Александр Евстифеев саламлен. Кугыжаныш Погынышто федерал парламентыште пашам ыштыше чыла партий- влакын улмышт куандара, манын тудо. Тидыже чыла калыкын шонымашыжым шотыш налаш йӧным пуа. Кужу жап Погыным вуйлатыше Юрий Минаковлан таум каласен да тудым парламентын почётан вуйлатышыжлан пеҥгыдемдаш темлен. Республикым вуйлатыше у депутат- влаклан сай лектыш дене пашам ышташ тыланен.
