Марий Элыш шинча шотышто инвалид йоча- влакын кеҥежымсе спартакиадыштын участникше- шамыч толыт

           Марий Элыш шинча шотышто инвалид йоча- влакын «Республика Спорт» Россий кӱкшытан кеҥежымсе спартакиадыштын участникше- влак толыт. Спартакиада 27-ше сентябрь гыч 2-шо октябрь марте эрта. Финал таҥасымашыште 7 гыч 17 ияш марте 500 российысе спортмен моштымашыжым ончыкта. Марий Элын сборный командышкыже 28 спортсмен ден вич тренер пурат.
           Марий Элым вуйлатышын пашажым шуктышо Юрий Зайцев могай площадкыште таҥасымаш- влакын эртымышт, нунын ямде улмышт, йоча- влакым пукшымо, илаш пуртымо, канышыштым кузе ямдылыме нерген увертараш йодын. Спорт-туризм министр Лидия Батюкова каласен: таҥасымашым 127 судья акла да 250 волонтёр полшаш тӱҥалеш. Таҥасымаш- влак иймаш, куштылго атлетике, мини-футбол, шахмат, шашке, голбол да дзюдо дене лийыт. Нуно ныл объектыште- «Дружба» стадионышто Вӱд спорт полатыште, «Спартак» ФОК-ышто да «Марий Эл» Ий полатыште эртат. Пукшымо, илыме, транспорт, медицина йодыш- влак контрольышто улыт. Спартакида 28-ше сентябрьыште «Спартакыште»  почылтеш да 1-ше октябрьыште «Марий Эл» Ий полатыште петыралтеш. Эше ик гана погынена да чыла раш мутланена,- каласен Юрий Зайцев.
             Фото: Марий Элым вуйлатышын организаций да аналитик виктемже.

Прошлые выпуски