Юрино ден Килемар районыш газым пурташ соглашенийым пеҥгыдемдаш шонат

          Марий Эл правительстве ден «Газпром межрегионгаз» ушем Юрино ден Килемар районыш газым пурташ соглашенийым пеҥгыдемдаш шонат. Газым пуртымо шотышто регионысо штабын заседанийыштыже Марий Элым вуйлатышын пашажым шуктышо Юрий Зайцев ден «Газпром межрегионгазын» генеральный директоржын алмаштышыже Сергей Табачук нине кок районыш газым пуртымо шотышто соглашенийыш ышташ шонымышт нерген каласеныт. Юрий Зайцевын мутшо почеш, ялыш газым пуртымаш 2001-ше ийыште 19 процент лийын гын, 2021-ше ийыште 73 процентыш шуын. 2025-ше ий марте 260 меҥге кужытан 17 кугу объектым чоҥаш палемдыме. Тудо 58 ялыш газым пурташ да 14 котельныйым пӱртӱс газыш кусараш полша.
             Фото: Марий Элым вуйлатышын организаций да аналитик виктемже.

Прошлые выпуски