Республике гоч эртыше федерал трассылаште вӱд воктелсе корнылам вӱдшор деч ончычсо тергымаш тӱҥалын

Республике гоч эртыше федерал трассылаште вӱд воктелсе корнылам вӱдшор деч ончычсо тергымаш тӱҥалын
          Республике гоч эртыше федерал трассылаште вӱд воктелсе корнылам вӱдшор деч ончычсо тергымаш тӱҥалын. Волго-Вятскуправтодорын специалистше- влак федерал кӱкшытан автомобиль корныла дене чарныде да лӱдышӧ деч посна кошташ лийже манын, вӱд шарлыме годым искусственный сооружений- влакым арален кодашлан тӱшка профилактике мероприятийым эртарат. Подряд организаций- влак корно йымач вӱдым колтымо пучын аҥже да вӱд толмо вер- влакым лум да ий деч эрыкташ тӱҥалыныт. Теҥгечысе кече гыч вӱд воктене ӱлыш верла гыч шуйналтше корнылам, тусо сооруженийлам тергат. Посна тӱткыш лӱдыкшыш логалше перечньыш пуртымо объект- влаклан ойыралтеш. Корно служба- влак тӱжемат 460 кубометр инертный материалым ямдыленыт, тудыжым вӱд вашке мушкын ок колто, ийым да кугу вӱдым колташ инвентарьым шапашлыме. Тиддеч посна олмыкташлан 49 еҥан да 21 техникан шым бригадым чумырымо. Росгидрометын регионласе службыжо дене уверым пуэн шогаш ойпидышым ыштыме. Тачысе кечылан тыгай прогноз пурен огыл. «ВолгоВятскуправтодор» водитель- влакым корнышто тӱткӧ лияш ӱжеш. Федерал корнышто вучыдымо ситуаций вияҥеш гын, вигак сутка мучко ыштыше диспетчер службыш йыҥгырташ йодыт. Телефонжо: 8 843 273 54 08.

Прошлые выпуски