Военнослужащий да призывник- влакын правашт нерген мутланыме
Республикысе Айдемын праваже шотышто уполномоченный Фанис Мухаметгалиев, Республикын сарзе комиссарже Кирилл Солодовник да Ачамландын воинже- влакын ешыштын комитетшын регионысо пӧлкажым вуйлатыше Ирина Багаеван вашлиймашышт эртен. Нуно лӱмын эртарыме сар операцийыште участвоватлыше да нунын родо-тукымыштын обращенийыштым, нунын праваштым аралыме да илышыш шыҥдараш полшымаште вий дене йӧным ушымо тӱҥ корно- влакым каҥашеныт. СВО-што улшо- влаклан отпускым пуымо, моло социал гарантийым налме, военный службым эртыме да тушеч увольнятлалтме, йомшо- влакым кычалме, военнопленный- влакым пӧртылтымӧ йодыш- влакым тарватыме. Уполномоченный ден военком посна тӱткышым призыв почеш службыш налшаш еҥ- влакын праваштым эскерыме, законым умылтарыме йодышлан ойыреныт. Вашлиймашын лектышыже почеш призывник ден военнослужащий- влакын праваштым аралыме йодыш дене пайдале вашкылым кучымо, уполномоченный ден сарзе комиссар коклаште ыштыме соглашенийым уэмдыме нерген кутырен келшеныт.
Фото: Айдемын праваже шотышто уполномоченный.
Фото: Айдемын праваже шотышто уполномоченный.
