Шушаш рушарнян корно озанлык пашаеҥ- влак шке профессионал пайремыштым палемдат

Шушаш рушарнян корно озанлык пашаеҥ- влак шке профессионал пайремыштым палемдат. Республикым вуйлатыше Александр Евстифеев тиде пайрем дене корно озанлыкыште кызыт тыршыше да тудын ветеранже- влакым пайремышт дене саламла. Те шке илышдам неле , но пагалыме паша дене кылденда. Тендан моштымашда да ответственностьда деч корно шартышын ӱшанле улмыжо гына огыл, калыкын лӱдыкшыдымылыкшат шога.  
Республикыштына корнын качествыже кужу жап начар кучалтын. Кызытсе правительстве ончылно корно йодыш пӱсын шогалын. Тудым виктараш «Лӱдыкшыдымӧ да сай качестван автомобиль корно- влак» калыкле проект полша. Кызыт корно паша чолган шукталтеш. Пайрем вашеш корно озанлыкыште тыршыше да ветаран- влаклан кугу таум каласем. Тендан опытда, пашам кӱлеш семын шуктымыда транспорт инфраструктурым уэмдаш, урем- влакым саемдаш, кудывече- влакым тӱзландараш полша. Чылалан пиалым, тазалыкым, еш ласкалыкым да у сеҥымаш- влакым тыланем,- ойлалтеш республикым вуйлатышын саламлымашыштыже.

Прошлые выпуски