Ӱдырамаш- полицейский республикыштына «Калык участковый» лийын
Ӱдырамаш- полицейский республикыштына «Калык участковый» лийын. Тудым республикысе калык шке йӱкшӧ дене ойырен налын. «Медведевысе» пӧлка гыч участковый Татьяна Иванова 9 тӱжем утла йӱкым поген да моло- влакым ончылтен кертын. Кокымшо верыште шым тӱжем утла йӱк дене Волжский пӧлка гыч Александр Левин. Тудо икымше турышто сеҥышыш лектын ыле. «Козьмодемьянский» пӧлка гыч Кирилл Обухов кум тӱжем наре йӱкым поген да кумшо лийын. Ынде Татьяна Иванова республикын чапшым Российысе конкурсын финалыштыже аралаш тӱналеш.
