У военкомын икымше пресс-конференцийже
Республикын у военкомжо журналист- влалкан икымше пресс-конференцийым эртарен. Сарзе комиссар Юрий Аксёнов погынышо- влакым шыже призыв дене палдарен. Тудын мутшо почеш октябрь гыч декабрь марте Российысе вооруженный вийыш 128 тӱжем рвезым налшаш улыт. Марий Эл гыч 700 утла еҥ кайышаш. Призывыш 1993-шо гыч 2002-шо ий марте шочшо- влак налалтыт. Марий Элысе рвезе- влак чыла военный округышкат, Йӱдвел флотышкат каят. Кызыт республикыштына 18 призыв комиссий пашам ышта: 14-ше муниципал, кумытшо- оласе. Призывной комиссийын пашашкыже пандемий шке вашталтышыжым пуртен. Шошымсо опыт лачеш толын. Кызыт призывной пунктлаште медицина пост- влакым ыштыме, температурым висат, аралалтме средствым кучылтыт, санобработкым эртарат. Чыла призывник коронавируслан тестым эрта. Тӱрлӧ район гыч толшо призывник- влак икте-весышт дене огыт вашлий. Чыла мероприятийым чаткан шуктымылан кӧра, шошым коронавирус дене черланыше- влак лийын огытыл. Шуматкечын икымше тӱшка призывник- влак службым эртыме верыш каеныт.
