Марий юмын йӱлам виртуал йыргешке ӱстел йыр каҥашеныт
Кодшо кечылаште «Марий юмын йӱла- кызытсыже да ончыкылыкшо» виртуал йыргешке ӱстел йыр мутланымаш лийын. Тудым марий калыкын нематериальный тӱвыра поянлыкшым аралыше «Ош Кече» фонд ямдылен. Видеоконференций йӧн дене погымо вашлиймашыш Марий Эл, Татарстан, Башкортостан, Киров да Свердловск область, Пермь край, Моско да Санкт Петербург гыч чолга марий- влак да Японий ден Эстоний гыч уна- влак ушненыт. Погынышо- влак у технологий полшымо дене марий йылмым вияҥдыме, тӱрлӧ ийготан еҥ- влаклан шӱм- чон шинчымашым пуымо тӱрлӧ вариантым каҥашеныт. Посна «Марий Кумалтыш» община- влак кокласе кыл нерген ойленыт. Тушко кок должностьым пурташ темлыме: калык дене кылым кучышо специалистым да внешний коммуникаций дене специалистым. Тыгак марий юмын йӱлам ончыкыжым вияҥдыме йодышым тарватыме. Темлымаш- влакым юмынйӱла организацийлаште раш каҥашаш да черетан вашлиймаште чатка проектым ышташ кутырен келшыме. Тыгай вес вашлиймашым августышто эртараш кутырен келшыме.
