«Пугачёвын тумыжо» Российысе конкурсышто таҥаса
Икымше май гыч икымше октябрь марте «Пушеҥге- пӱртӱсын памятникше» Российысе программын Росдрево.РУ сайтыштыже Элнан тӱҥ пушеҥгыже верч йӱклымаш эрта. «Талукын Российысе пушеҥгыже» конкурс «Талукын Европысо пушеҥгыже» Тӱнямбал конкурсыш ойырен налме йыжыҥлан шотлалтеш. 12 номинант коклаште Марий Эл гычат пушеҥге уло. Тиде- «Пугачёвын Тумыжо». Тудо «Марий чодыра» парк кундемыште «Ваштар курык» Санаторий деч вич меҥге тораште верланен. 420 ияш тумо 31 метр кӱкшытан.
