Ял озанлык министрын алмаштышыже Марий Турек районышто лийын

Ял озанлык министрын алмаштышыже Марий Турек районышто лийын
Республикысе ял озанлык министрын алмаштышыже Андрей Кондратенко паша дене Марий Турек районысо озанлыклашке миен. Тушто тудо «Росагрон» пасулаштыже «Сингента» компанийын кушкылым аралыше средствыжым кучылтын, опыт шот дене ӱдымӧ кокияш культурым ончен. Тиде компанийын, Россельхозцентрын, Росагрон еҥышт дене пырля шуктымо пашам каҥашеныт, тӱрлӧ кокияш культурын тазалыкшым шымленыт. Мутлан, тиде средствым кучылтын ӱдымӧ икияш шыдаҥ шкенжым пеш сайын ончыктен. Мероприятийыш погынышо- влак тыгак Михеевын кресаньык озанлыкыштыже, «Китне» да «Акпарс» Агрофирме» озанлыклаште шурным погымо паша дене палыме лийыныт, шурнылан акым пуэныт. Вашлиймашын лектышыже почеш Андрей Кондратенко кӱчык жапыште шурным поген налаш да кокияшым ӱден пытараш кӱлеш манын палемден.

Прошлые выпуски