Шуко шочшан еш- влаклан полышым пуымо мера кажне ешын ойыртемжым шотыш налшаш

               Шуко шочшан еш- влаклан полышым пуымо мера кажне ешын ойыртемжым шотыш налшаш,- каласен Марий Элым вуйлатышын пашажым шуктышо Юрий Зайцев. Республикыштына 9 тӱжемат 819 шуко шочшан еш уло. Кугыжаныш пого министерствыште мланде участкым ойыраш шым тӱжемат 780 йодмаш уло. Тымарте ныл тӱжемат 600 утла участкым пуымо. Ведомствышто палемдыме почеш, йодмашым 60 процентлан шуктымо. Тидыже Юл кундем округышто 8- ше вер лиеш. Кодшо ий сентябрьыште альтернативный мерым шонен лукмо. Шуко шочшан еш шкевуя мланде участкым налеш гын, тудлан оксам пӧртылтат. Тудын кугытшо 250 тӱжем теҥге. Йодмашым тений январь гыч налаш тӱҥалме. Икымше июльлан шуко шочшан еш- влак оксам налаш 265 йодмашым возеныт, Минфиныш 66 миллион теҥгелан йодмашым ыштыме. Кугыжаныш Пого министрын пашажым шуктышо тиде оксам ипотекым петыраш колташ темлен. Юрий Зайцев шуко шочшан ешлан альтернативный полыш семын целевой оксам кучылтмо йоным кумдаҥдаш темлымашым ямдылаш кӱштен. Законодательствыште вашталтышым шотыш налын, сад участкылаште пӧртым чоҥаш разрешенийым пуымо. Альтернативе семын шуко шочшан- влакланат сад участкыште пӧртым чоҥаш Кугыжаныш Погыныш октябрьыште закономпроектым пуаш темлалтеш. Мутлан, Ореховка, Загуры, Рябинка яллаште вӱдым ситарыме, корным чоҥымо шотышто проект документацийым ямдылыме, тудо госэкспертизым эртен. Мутлан, Рябинкыште газ пучым чоҥымо, тыгыде кӱан корным ыштыме, электротулым пуртымо. Инженер инфраструктура Апшакбеляк ялыштат ышталтеш. Юрий Зайцев инфраструктурым вияҥдыме пашам чолганрак вӱдаш, оксам ойырымо лектышым контрольыш налаш кӱштен.
             Фото: Марий Элым вуйлатышын организаций да аналитик виктемже.

Прошлые выпуски