Марий Элым вуйлатышын пашажым шуктышо Юрий Зайцев паша дене Килемар районыш миен
Таче Марий Элым вуйлатышын пашажым шуктышо Юрий Зайцев паша дене Килемар районыш миен. Тудын ончымо икымше объектше Кугу Памъялыште школым чоҥымо площадке лийын. У тунемме тӧнеж концессий соглашений кышкарыште ышталтеш. Тудо 60 тунемшылан да 20 йоча садысе верлан келыштаралтеш. Юрий Зайцев палемден: объект тургыжланымашым луктеш. Молан манаш гын, чоҥымо жапым шуктымо огыл, объектым пашаш колтымо план пудырталтын.
Компанийым вуйлатышын икымше алмаштышыже Александр Чаусовскийын мутшо почеш, паша графикым тӧрлымӧ. Кызыт пырдыж нӧлталтеш, икымше пачашын перекрытийжым пыштат, тӱжвалне вӱд пуч да канализаций ышталтеш, стадионым ямдылат. Идалык мучаш марте чоҥен шуктышаш улыт. Чаусовскийын мутшо почеш пашазе- влакым ешарыме, профилян организаций- влакым ушымо.
Республикым вуйлатышын пашажым шуктышо чоҥымаш министерствылан эре терген да увертарен шогаш кӱштен. Тыгай социал кӱлешан объект- влакым шке эскерен шогаш тӱҥалам манын тудо. Пашам тӱналме гын, ыштен пытараш кӱлеш. Уке гын, тӱналмат ок кӱл ыле, манын вуйлатыше. Кызыт школ 1938-ше 1940-ше ийлаште чоҥымо посна шогышо вич зданий дене пашам ышта, коҥгаш олтен ырыктат. Концессий соглашенийым 2021-ше ийын 23-шо сентябрьыште пеҥгыдемдыме ыле.
Фото: Марий Элым вуйлатышын организаций да аналитик виктемже.
Компанийым вуйлатышын икымше алмаштышыже Александр Чаусовскийын мутшо почеш, паша графикым тӧрлымӧ. Кызыт пырдыж нӧлталтеш, икымше пачашын перекрытийжым пыштат, тӱжвалне вӱд пуч да канализаций ышталтеш, стадионым ямдылат. Идалык мучаш марте чоҥен шуктышаш улыт. Чаусовскийын мутшо почеш пашазе- влакым ешарыме, профилян организаций- влакым ушымо.
Республикым вуйлатышын пашажым шуктышо чоҥымаш министерствылан эре терген да увертарен шогаш кӱштен. Тыгай социал кӱлешан объект- влакым шке эскерен шогаш тӱҥалам манын тудо. Пашам тӱналме гын, ыштен пытараш кӱлеш. Уке гын, тӱналмат ок кӱл ыле, манын вуйлатыше. Кызыт школ 1938-ше 1940-ше ийлаште чоҥымо посна шогышо вич зданий дене пашам ышта, коҥгаш олтен ырыктат. Концессий соглашенийым 2021-ше ийын 23-шо сентябрьыште пеҥгыдемдыме ыле.
Фото: Марий Элым вуйлатышын организаций да аналитик виктемже.
