Лишыл жапыште чыла районым олтымо тургымлан ямдылен шукташ кӱштымӧ
Республикым вуйлатышын пашажым шуктышо лишыл жапыште чыла районым олтымо тургымлан ямдылен шукташ кӱштен. 2022-шо - 2023-шо ийысе олтымо тургымлан социал сферым, илыме вер- влакым ямдылыме нерген чоҥымаш, архитектура, илыме вер да коммунал озанлык министр Михаил Степанов увертарен. Тачысе кечылан ныл тӱжемат 193 шуко пачеран пӧрт, 500 котельный, 669 меҥге теплосетьым ямдылыме. Вӱд пуч, канализаций да электросеть 100 наре процентлан ямде улыт. Ныл котельныйым газыш кусарыме лиеш. Лекше аварийым кораҥдаш резерв фонд гыч 70 миллион теҥгем палемдыме. Программе почеш 83 шуко пачеран пӧртым капитально олмыкташ палемдыме. 47 пӧртыштӧ тудым шуктымо. Волжский, Медведево, Оршанке да Килемар районлаште шуко пачеран пӧрт- влак 100 процентлан ямде улыт. Молыштыжо- 80-90 процентлан. Южо вере пашам мучашлыме, но ямде улмо шотышто паспортым пеҥгыдемден шуктымо огыл.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
