Шушаш ийын кузе канаш тӱҥалына?
Российын Федерацийын премьер- министрже Михаил Мишустин 2021-ше ийыште каныш кече-влакым кусарыме шотышто пунчалым пеҥгыдемден. Тудын дене келшышын, вес ийын 31-ше декабрь каныш кече лиеш. 2-шо да кумшо январь каныш кечылан тура толыныт. Нуно пайрем кечылан шотлалтыт. Сандене нуным визымше ноябрьысе кугарняш да 31-ше декабрь кугарняш кусарыме. 22-шо февраль шочмыш 20-шо февлральысе шуматкечым кусарат. Тыге кум каныш кече лиеш: 21-ше гыч 23-шо февраль марте. 2021-ше ийыште, тичмаш налмаште, тыге канаш тӱҥалына: 1-ше гыч 10-шо январь марте, 21-ше 23-шо февраль, 6-шо гыч 8-ше март, 1-ше гыч 3-шо май, 8-ше гыч 10-шо май, 12-шо гыч 14-ше июнь, 4-ше гыч 7-ше ноябрь марте каныш кече- влак лийыт. А тений 31-ше декабрь тыглай кече, сандене паша кечылан шотлалтеш.
