Таче ТЮЗ-влакын фестивальышт почылтын

Таче Марий Элыште ТЮЗ-влакын фестивальышт почылтын. Тудо республикын 100 ияш лӱмгечыжлан пӧлеклалтеш да «Йоча ден самырык- влаклан кызытсе пьеса» лӱм дене 23-шо октябрь марте эрта. Фестивальыш тӱрлӧ кундем гыч вич театр толеш да эн сай спектакльжым ончыкта. Фестиваль Кугыжаныш Чуваш самырык театрын «Визыт-коло виыт» пьесыж дене почылтеш. Кокымшо кечын Уфа театр шке пашажым ончыкта. Марий Самырык театр кумшо кечын «Про Федота стрельца- удалого молодца» спектакльым ончыкта. Изарнян Озаҥ артист- влакын пашаштым ончаш лиеш. 23-шо октябрьыште Рязаньысе театр фестивальым мучашла.

Прошлые выпуски