Тений санитар авиаций чылаже 14 гана ӱжмаш почеш чоҥештен лектын

              Вашке кӱлешан медицина полышым вучышо кок пациентым Козьмодемьянск гыч Йошкар-Олаш вертолёт дене конденыт. Ик пӧръеҥын инфаркт лийын, вес ӱдырамашыже шондыгорнышто кӱ погынымо дене орланен. Пӧръеҥым республикысе сосудистый рӱдерыш, ӱдырамашаым республикысе клинический эмлыме верыш пыштыме. Тений санитар авиаций чылаже 14 гана ӱжмаш почеш чоҥештен лектын. Районла гыч эмлыме верлашке 16 еҥым кондымо. Талук мучаш марте «Руш вертолёт системе» акционер ушем дене ыштыме контракт почеш вертолёт эше 25 гана чоҥештен кертеш. Утларак пациентым вертолёт дене Волжск, Козьмодемьянск, Юрино, Морко гыч инфаркт да инсульт дене кондымо. Тыгак ныл йочам, иктыже ик ийышкат шудымо, юж дене Йошкар-Олаш кусарыме.
              "Тендан у кечыда" газетын фотожо.

Прошлые выпуски