Йошкар-Олаште переписчик- влакым туныкташ тӱҥалыныт
Йошкар-Олаште переписчик- влакым туныкташ тӱҥалыныт. 15-ше октябрьыште Россий мучко калыкым шотлаш тӱҥалыт. Тиде паша лач ик тылзе шуйна. Тиде жапыште элысе калыклан 33 йодышым пуат. Тушечын 23-ытшо социал-демографий характеристике дене кылдалтеш: пӧръеҥ але ӱдырамаш улмо, ийгот, гражданство, шочмо вер, могай калык гыч улмо, йылме- влакым палыме, шинчымаш кӱкшыт, мыняр икшыве улмо, пашадар але кушеч оксам ситарыме нерген. Лу йодышыжо илыме йӧн нерген. Перепись йодыш дене семинар-совещанийыште переписчик ден контролёр-влаклан калыкым шотлымо принцип, документым возымо, тӱрлӧ ситуацийыште шкем кузе кучымо нерген каласкаленыт. Тыгак чӱчкыдын вашлиялтше йодыш- влаклан вашештеныт. Тунем пытарыме деч вара переписчик- влак тестированийым эртат.
