Марий Эл гыч нугыдемдыме шере шӧр йот эллаш кая

               Марий Эл гыч нугыдемдыме шере шӧрым Китайыш, Монголийыш да Азербайджаныш колташ тӱҥалыт. Тений кеҥежым «МариШӧр» предприятий нине эллаш экспортым ышташ манын аттестацийым эртен. Тиде тутло кочкыш лӱдыкшыдымылык шотышто тестым эртен. Тергыме почеш санитар йодмашым пудыртымым рашемдыме огыл. Луымшо сентябрь гыч «МариШӧр» экспортёр-предприятий- влакын реестрышкышт пурен. Тыге шкенан элыште ыштен лукмо шере шӧр йотэлыш кая.

Прошлые выпуски