Марий Кугыжаныш университет 100 миллион теҥгеаш грантым сеҥен налын
Марий Кугыжаныш университет 100 миллион теҥгеаш грантым сеҥен налын. Тудо кугыжаныш полышым пуымо «Приоритет-2030» программын ойырен налме конкурсшым эртен да ешартыш кугыжаныш полышым налше Российысе 106 университет радамыш пурен. «Приоритет- 2030» - вуз- влакым вияҥдыме, полышым пуымо ик эн кугу федерал программе. Тудо 2030-шо ий марте идалык еда 100 миллион теҥгем ойыра. Тиде грант регионышто инноваций экосистемым ышташ колталтеш, а тудын рӱдыжӧ МарГу-што лиеш. У экосистемым ыштыме кышкарыште вич стратегий проект шыҥдаралтеш. Нуныжо ойыртемалтше шымлыме пашам эртараш, науко дене кылдалтше продукций ден технологийым ышташ, кадрым вияҥдаш, пӱтынь регионым социал- экономик велым вияҥдаш полшымашке виктаралтыт. Лишыл жапыште Марий университетын историйыштыже Российын ончыкылыкан вузшо да республикын опорный вузшо семын у корно почылтеш.
