Йошкар-Оласе частный секторышто у йоча площадкым почыныт

            Йошкар-Оласе частный секторышто у йоча площадкым почыныт. Рӱдӧ олаште ожнысек тыге лектын: частный секторысо уремлаште ик йоча площадкымат ыштен огытыл манаш лиеш. Нунылан эсогыл верымат палемден огытыл. Олан мэрийже улшо йӧным кучылтын да верысе калыкын полышыжо денне тиде чырым кораҥдаш пижын. Тыге Комсомол уремын тӱҥалтышыштыже частный секторышто йоча площадкым ыштыме. Модаш келыштарыме верым почмашке мэр Евгений Маслов миен.
            Верым ыштымаште «Лидер» ТОС-ыш пурышо еҥ- влак, вуйлатышыже Марина Юртикова кугун тыршеныт. Йоча- влаклан модмо элемент- влакым, волейбол площадкым, теҥгыл- влакым вераҥдыме. Вашке футбол дене модаш капка- влакым шындышаш улыт. Лидерын еҥже- влак тымарте ик гана веле огыл субботникым эртареныт. Почмаштат ӧрдыжеш кодын огытыл, йоча- влаклан сийым ямдыленыт. Шукерте огыл воктенысе кумдыкымат тӱзландарыме. Комсомол, Некрасов, Советский уремлам олмыктымо: корнеш асфальтым шарыме, йолгорно- влакым тӧрлымӧ.
        Йошкар-Ола администрацийын фотожо.

Прошлые выпуски