Юрий Зайцев «Юнармий» толкынын 6-шо региональный слётшым почын

              Теҥгече Юрий Зайцев «Юнармий» толкынын 6-шо региональный слётшым почын. Слётыш 800 утла еҥ толын. Тиде юнармий отрадын 14 гыч 17 ияш марте эн сай воспитанникше да муниципал штаблан вуйлатышышт. А чылаже республикыште 171 отряд 6 тӱжем юнармеецым ушен шога. Толкынышко 8 гыч 18 ияш марте йоча ден самырык- влакым ушен шогымо чот дене Марий Эл Российысе субъект- влак коклаште 11-ше верым айла.                Торжественный ужаш тӱналме деч ончыч Юрий Зайцев спецмашине, бронетехнике, авиа да мототехникын интерактивный выставкыштым, стрелковый вооруженийын, криминалистикын, спецаппаратурын, утарыше да радист, кычалше отряд- влакын снаряженийыштым ончыктышо ончерым ончен лектын. Тидымат палемден: Марий Эл Россий Президентын самырык тукымым военно- патриот шӱлышеш шуарыме «Авангард» рӱдерым ышташ кӱштымашыжым округышто ик эн ончыч шуктышо да Российыште 12 регион гыч иктыже лийын.
            Рӱдерын ышташ тӱҥалмыже годсек тушто 5 тӱжем утла тунемше сбор ден сменыште лийын. Мучашлан ойыртемалтше школьник, военно-патриот клублан участникыштым «Юнармейская доблесть» знак дене палемден. Торжественный заседаний кышкарыште Йошкар-Оласе муниципал штаблан «Юнармий» толкынын тистыжым да Российын Геройжо, старший лейтенант Дамир Шаймардановын лӱмжым пуымо. Толкынын регионысо пӧлкаже 2018-ше ий гыч Российын Геройжо, гвардийын подполковникше Марк Евтюхинын лӱмжым нумалеш.
             Фото: Марий Элым вуйлатышын организаций да аналитик виктемже.

Прошлые выпуски