Марий Элыште 21-ше март гыч калык тӱвыра да сымыктыш декда тӱҥалеш

Марий Элыште 21-ше март гыч калык тӱвыра да сымыктыш декда тӱҥалеш
            Марий Элыште 21-ше март гыч калык тӱвыра да сымыктыш декда тӱҥалеш да икымше апрель марте шуйна. Декада кышкарыште «Михаил Мурашко йолташыже- влакым ӱжеш» 11-ше Тӱнямбал фестиваль –конкурс, Марий Эл, Чуваший, Краснояр крайын усталык коллективыштын 9 концертышт, хореографий коллектив- влаклан вич мастар-класс, «Йошкар-Ола театральный» фестивальым петырымаш, кум театр постановка, Республике кӱкшытан «Самырык тукым» йоча усталык конкурс эртаралтыт. 21-ше март гыч Православийын историйже тоштерыште Сергей Глебушкинын 19-ше-20-шо курым тӱҥалтышысе руш костюмын ончерже ышташ тӱналеш. Тудо 15 шагатлан почылтеш. 23-шо гыч 26-шо март марте Сеҥымашын 30-шо идалыкше лӱмеш тӱвыра полатыште куштышо да хореограф-постановщик- влакын «Михаил Мурашко йолташыже- влакым ӱжеш» Тӱнямбал конкурс-фестиваль лиеш. Тушто Российын тӱрлӧ кундемже гыч тӱжем наре участник шке мастарлыкшым ончыкта. 24-ше мартыште Тӱвыра министерстве  тӱвыра пашаеҥын кечыжлан пӧлеклалтше иктешлыше коллегийжым да торжественный мероприятийым эртара. 27-ше мартыште «Театральный Приволжье» фестивальыште сеҥыше- влакым увертарыме онлайн- трансляций эрта. Декаде Яков Эшпай лӱмеш Марий Кугшыжаныш филармонийыште Красноярскысе Годенко лӱмеш Сибирьын куштышо кугыжаныш академический ансамбльжын концертше дене торжественно мучашлалтеш.
           Фото: Тӱвыра министерстве.

Прошлые выпуски