Таче Марий Элым вуйлатыше Александр Евстифеев Москосо финанс форумышто участвоватла
Таче Марий Элым вуйлатыше Александр Евстифеев Москосо финанс форумышто участвоватла. Тиде форум Российысе финанс да экономик системым вияҥдыме пӱсӧ йодыш- влакым каҥашыме ойыртемалтше площадкылан шотлалтеш. Мероприятий кучемын, профессионал да тӱнямбал кӱкшытан эксперт сообществын еҥже- влакым да политик, мер пашаеҥ- влакым ушен шога. Тений тудо нылымше гана эрта. Кок кече жапыште погынышо- влак экономикын таҥасен кертмыжым, калыкле проектлам шыҥдарымым, налог политикын пайдалыкшым, кугыжаныш велым полышым саемдымым, финанс рынкым вияҥдымым, предприниматель пашалан кумылаҥдыме йодыш- влакым каҥашат. Марий Элым вуйлатыше «Калыкле проект да регион- влак» площадкыште да «Российысе экономика» пленарный сессийыште участвоватлен. Кокымшыштыжо Россий правительстве председатель Дмитрий Медведев ойлен. Туддеч посна финанс министр Антон Силуанов, экономически вияҥмаш министр Максим Орешкин, Рӱдӧ банкым вуйлатыше Эльвира Набиуллина, ВТБ банкым вуйлатыше Андрей Костин, Счётный палатым вуйлатыше Алексей Кудрин, Москон мэрже Сергей Собянин да молат лийыныт.
